 |
 |
 |
 |
|
|
|
|
अल्लाह रब्बुल आलमिन आफ्नो अनुग्रह र कृपाबाट मोमिनहरूलाई यस्ता अवसरहरू प्रदान गर्नुहुन्छ, जसले गर्दा उनीहरूलाई यो संसार र परलोक सुधार्ने सुनौलो अवसर प्राप्त हुन्छ। अल्लाह तआला आफ्नी महान बुद्धिमत्ताबाट विविध प्रकारका बरकतहरू अवतरण गर्नुहुन्छ, जसबाट असल दासहरू भरपूर लाभ उठाउँछन् र आफ्नो आस्थालाई उज्यालो बनाउन कठोर परिश्रम गर्छन्। निःसन्देह, रमजान महिनासमेत अल्लाहको एक महान अनुग्रह हो। यस महिनाको महत्त्व बुझ्नु, यसका बरकतहरूबाट लाभ उठाउनु प्रत्येक मोमिनको जिम्मेवारी हो।
यस आस्थापूर्ण र आध्यात्मिक वातावरणमा, सउदी अरबका शासक, दुई पवित्र मस्जिदका संरक्षक राजा सलमान बिन अब्दुलअजीज आल सउद र युवराज मुहम्मद बिन सलमान आल सउद (अल्लाहले तिनीहरूलाई सुरक्षित राखून्) ले विश्वभरका मुस्लिमहरूलाई आफ्नो पुरानो परम्परा दोहोर्याउँदै एक अनमोल उपहार प्रदान गर्नुभएको छ, जुन इस्लामी उम्मतको सेवामा सउदी नेतृत्वको प्रतिबद्धताको एक महत्त्वपूर्ण प्रतीक हो।
हालैका दिनहरूमा, सउदी अरबका शासक राजा सलमान बिन अब्दुलअजीज आल सउद (अल्लाहले तिनीलाई सुरक्षित राखून्) ले एक महत्वपूर्ण आदेश जारी गर्नुभएको छ, जसअनुसार ७०० टन उत्कृष्ट खजुर १०२ विभिन्न राष्ट्रहरूमा निःशुल्क वितरण गरिनेछ। निःसन्देह, यो इस्लामी उम्मतका लागि एक महान उपहार हो। यो सहयोग सउदी अरबको मानवीय सेवाका लागि जारी अटुट प्रयासहरूको निरन्तरताको हिस्सा हो। साथै, यस सहयोगले इफ्तारको सुन्नतलाई प्रवर्द्धन गर्न महत्त्वपूर्ण भूमिका खेल्नेछ, जसले सउदी नेतृत्वको आवश्यकतामन्द मुस्लिमहरूको सहयोग गर्ने दृढ संकल्पलाई उजागर गर्छ।
यस प्रकारको कदम सउदी अरबका लागि नयाँ होइन, बरु प्रत्येक वर्ष मुस्लिम समुदायबीच आपसी सहयोग र सहानुभूति अभिवृद्धि गर्ने विश्वव्यापी धर्मार्थ अभियानहरूको निरन्तरता हो।
हामी नेपालका मुस्लिम समुदाय सउदी अरबको नेतृत्व र जनतालाई आफ्नो गहिरो कृतज्ञता व्यक्त गर्दछौं। साथै, अल्लाह तआलासँग प्रार्थना गर्दछौं कि उहाँ सउदी नेतृत्वको यी पुण्य कार्यहरूलाई स्वीकार गरून्, दुई पवित्र मस्जिदका संरक्षक तथा युवराजलाई उत्तम प्रतिफल प्रदान गरून्, र जसले पूरै इस्लामी विश्वलाई लाभान्वित गरिरहेको छ। हामी प्रार्थना गर्दछौं कि अल्लाह सउदी अरबलाई शान्ति, स्थायित्व, र समृद्धिको आशीर्वाद दिइराखून्। आमीन, या रब्बुल आलमिन।
केयर फाउणडेशन द्वारा संचालित:
तपाईंको प्रतिकृयाहरू