यस्तो रह्यो टोकियो ओलम्पिकको उद्घाटनमा नेपालको मार्च पास

काठमाडौं- जापानको टोकियोमा अहिले ३२ औँ गृष्मकालिन ओलम्पिक खेलकुदको औपचारिक उद्घाटन भइरहेको छ। समारोहमा खेलाडी तथा अफिसियलको मार्च पास सकिएको छ।

उद्घाटन समारोहमा २ सय ५ देश र शरणार्थी टोलीले मार्च पास गरेका थिए।

नेपालका तर्फबाट पौडीका खेलाडीहरु गौरिका सिंह र एलेक्स शाहले राष्ट्रिय झण्डा बोकेका थिए। राष्ट्रिय खेलकुद परिषद्-राखेपका सदस्यसचिव रमेश सिलवालसहित अफिसियलहरु पनि मार्च पासमा सहभागी थिए।

प्रतियोगितामा नेपालका ५ जना खेलाडीले प्रतिस्पर्धा गर्दैछन्।

प्रतियोगिताअन्तर्गत शनिवार शुटिङकी कल्पना परियारले १०० मिटर एयर राइफल र जुडोकी सोनिया भट्टले ४८ केजी मुनिको तौल समूहमा खेल्दैछन्।

जुलाई २७ मा पौडीका एलेक्स शाहले १०० मिटर फ्री स्टाइलमा खेल्नेछन्।