नवलपरासी, २९ पुस,, वरिष्ठ साहित्यकार गोविन्दराज विनोदीलाई शनिवार पूर्वी नवलपरासीको गैँडाकोटका बासिन्दाले शनिबार नागरिक अभिनन्दन गरेका छन् ।
पूर्वी नवलपरासीको गैँडाकोटमा जन्मेर नेपाली साहित्यमा पु¥याउनुभएको योगदानको उच्च मूल्याङ्कन गर्दै गैँडाकोटका नागरिकका तर्फबाट भव्य अभिनन्नदन गरिएको हो । विनोदीको घरबाट शोभायात्रा निकाली गैँडाकोटका विभिन्न क्षेत्रमा परिक्रमा गराई नागरिक अभिनन्दन गरिएको ज्येष्ठ नागरिक प्रतिष्ठानका अध्यक्ष नारायणप्रसाद तिवारीले बताउनुभयो ।
विनोदीले ‘मेरो वर्तमान निर्मम घडीहरु’, ‘आखाँको नानी’, ‘छन्दविनोद, अभिश्रान्त’, ‘हिमस्पर्श’, ‘सृष्टि माथिको दृष्टि’, ‘अनुपमा धर्ती’, ‘नानीका गीत’, ‘वनभोज’, ‘शुर्पणखा’, ‘कैकयी’ जस्ता काव्यहरु लेख्नुभएको छ । नेपाली भाषा साहित्यको क्षेत्रमा पु¥याउनुभएको योगदानको मूल्याकङ्न गर्दै नागरिक अभिन्नदन गरिएको साहित्यकार गोविन्दराज कोइरालाले बताउनुभयो ।
गैँडाकोटमा आयोजित कार्यक्रममा प्राज्ञ वासुदेव त्रिपाठीले विनोदीलाई नागरिक अभिनन्दन गर्नुभएको थियो । कार्यक्रममा प्राज्ञ त्रिपाठीले कवि विनोदीले साहित्य क्षेत्रमा पु¥याउनुभएको योगदानको प्रशंसा गर्दै यस्ता सर्जकले देशमा सािहत्यको विकासमा ठूलो महत्व राख्ने बताउनुभयो ।
कार्यक्रममा गैँडाकोट नगरपालिकाका प्रमुख छत्रराज पौडेलले गैँडाकोटमा जन्मेर नेपालको साहित्यको क्षेत्रमा कवि विनोदीले पु¥याउनुभएको योगदानको उच्च मूल्याङ्कन गर्दै यस्ता स्रष्टाका सर्जकलाई राज्यले पनि सम्मान गर्नुपर्ने विचार व्यक्त गर्नुभयो ।
–––
तपाईंको प्रतिकृयाहरू