गन्याप ताल सरक्षण गरिने

डडेल्धुरा, २७ जेठ (रासस) ः समुद्री सतहबाट दुई हजार मिटर बढी उचाइमा रहेको गन्यापताललाई पर्यटकीय स्थलका रूपमा विकास गरिने भएको छ ।तालक्षेत्र संरक्षण र संवद्र्र्धनका लागि अहिले गन्यापधुरा गाउँपालिका जुटिरहेको छ ।

एक टोली गन्यापताल पुगी सम्भाव्यता अध्ययन गरेको गाउँपालिकाले जनाएको छ । माहाभारत लेकको टाकुरोमा अवस्थित उक्त ताल झण्डै एक किलो मिटर भू–भागमा फैलिएको छ । ताल क्षेत्रको चारैतिर डाँडाकाँडाले घोरिएको छ ।

उक्त क्षेत्रको सरक्षण गरी पर्यटक आकर्षणको केन्द्र बनाउन विकास गरिने भएको छ । गान्यापतालकै नामबाट गाउँपालिकाको नाम पनि गन्यापधुरा राखिएको अध्यक्ष नवलबहादुर मल्लले बताउनुभयो । सो ताल डोटीको शिखर नगरपालिका र जोरायल गाउँपालिकाको सिमानासँग जोडिएको छ ।

समुद्रिक सतहको एक हजार २०० मिटरदेखि दुई हजार ६७१ मिटरको उचाइमा रहेको सो तालमा ७७ प्रतिशत वन जंगलसँगै ठूलठूला फाँट छन् । यस पर्यटकीय क्षेत्रलाई मिनी खप्तडको रुपमा विकास गर्ने गाउँपालिकाका अध्यक्ष मल्लले बताउनुभयो ।

गन्याप ताल नजिकसम्म सडक निर्माण गर्न लागिएकोे र यसका लागि रु ५० लाख विनियोजन भएको गाउँपालिकाले जनाएको छ । यसको

त्यँहा विभिन्न प्रकारका जडीबुटीसमेत पाइन्छन् । ओसिलो स्थानका ठाउँ ठाउँमा पानी जमेकाले जमिनमा टेक्दा भासिने देखिन्छ । टेक्दा थलथल हुने भएकाले भित्र पानी रहेको अनुमान बुडापाकाको छ ।

उक्त स्थानमा पाँचआंैले, गनानो, कुज्र्या, सतुवा, सेलपोडे, रातो च्याउ लगायतका जडीबुटी पाइने स्थानीयवासी हरिलाल भट्टले बताउनुभयो ।

पहिलेको तुलनामा गर्मी बढ्दै गएको तथा ताल, जंगल, जंगली जनावरको संरक्षण हुन नसक्दा कस्तुरी लगायतका अन्य मृग लोप भइसकेको अर्का स्थानीयवासी चक्रबहादुर मल्लले बताउनुभयो ।

प्रसिद्ध धार्मिक पिठका रुपमा मानिने गन्याप मन्दिरदेखि करिब पाँच किलोमिटरको दूरीमा रहेको उक्त ताल संरक्षणमा सम्बन्धित निकायले चासो नदिँदा भूक्षय, बाढी पहिरोले ताल फाँटमा परिणत भएको स्थानीय बुढापाका बताउछन्
–––