काठमाडौँ, १५ पुस,, सामुदायिक सेवा केन्द्र गोँगबुको अध्यक्षमा राकेश सिंह निर्वाचित हुनुभएको छ । केन्द्रको आज बिहान सम्पन्न मतगणनाअनुसार सिंहले ५३० मत ल्याई निर्वाचित हुनुभएको प्रमुख निर्वाचन अधिकृत उपेन्द्रनरसिंह अधिकारीले जानकारी दिनुभयो ।

उहाँका निकटम प्रतिद्वन्द्वी लीलाप्रसाद ढकालले ४०९ मत प्राप्त गर्नुभएको छ । यस्तै प्रथम उपाध्यक्षमा लक्ष्मण न्यौपाने, द्वितीय उपाध्यक्ष लवप्रसाद ढुङ्गाना, महासचिव ओमकृष्ण विमली, सचिव महेश थपलिया, कोषाध्यक्ष पुरुषोत्तम आचार्य, सह–कोषाध्यक्ष भक्तलाल शाही मत ल्याई निर्वाचित हुनुभएको छ ।

यस्तै महिला सदस्यमा चन्दा बराल, भूमिका सुवेदी, गायत्री लामिछाने, खुला सदस्यमा शान्तिराम न्यौपाने, सुरेन डङ्गोल, मोहन महर्जन, जनक बस्नेत, विनोद काफ्ले, सन्तोषी कुँवर र रतन परियार विजयी हुनुभएको छ । कूल एक हजार १७५ मतदाता रहेको केन्द्रमा ९८४ मत खसेको थियो ।

नेपाल प्रहरीसँगको सहकार्यमा समाजमा हुने अपराध नियन्त्रण गर्न विसं २०५८ मा स्थापना भएको केन्द्रले आगामी दुई वर्षका लागि १७ सदस्यीय नयाँ नेतृत्व चयन गरेको हो ।
–––