कपिलवस्तुमा १९ जना तास जुवाडेहरु पक्राउ

इमरान खान
कपिलवस्तु। कपिलवस्तुमा प्रहरीले तास खेलिरहेको अवस्थामा १९ जना तास जुवाडेहरुलाई पक्राउ गरेको छ । कपिलवस्तु नगरपालिका वडा नं. ८ दोहनीमा बिहिवार बिहान करीब १ बजेको समयमा प्रहरी निरिक्षक गोबिन्द रावतको कमाण्डमा खाटिएको टोलीले दोहनी चोकस्थित राम प्रकाश अग्राहरीको राईस मिलमा उनिहरुलाई तास खेलिरहेको अवस्थामा छापा मारेर १९ जना तास जुवाडेहरुलाई पक्राउ गरेको छ । प्रहरीका अनुसार तास खेलेको ठाउँबाट नगद रु. १ लाख २१ हजार ३१५ रुपैयाँ बरामद भएको छ । पक्राउ परेका सबैलाई राति जिल्ला प्रहरी कार्यालय थुनामा राखिएको छ । जुवा सञ्चालनमा नियन्त्रण गर्न प्रहरीले सदरमुकाम तौलिहवा, कृष्णनगर, चन्द्रौटा लगायतका बजारहरुमा नियमित रुपमा रात्री गस्ती बढाएको प्रहरी उपरीक्षक अच्युतम पुडासैनीले बताउनुभयो ।