ट्याक्टरको ठक्करबाट एक जना महिलाको मृत्यु ।

अजय बर्मा

कपिलबस्तु भाद्र २९

कपिलवस्तुमा ट्याक्टरको ठक्करबाट एक जना महिलाको मृत्यु भएको छ । तौलिहवा– जीतपुर ४ नं सडक खण्डको बाणगंगा नगरपालिका–३ कर्महनामा लु ३ त ५२१९ नम्बरको ट्याक्टरले ठक्कर दिंदा बाणगंगा नगरपालिका ११ बस्ने वर्षीया २८ की मीना बिकको मृत्यु भएको प्रहरीले जनाएको हो । शुक्रबार दिउसो तौलिहवा बाट जीतपुर ४ नं तर्फ जाँदै गरेको ट्याक्टरले बिपरित दिशातर्फ आउँदै गरेको लु ४ प ४७९७ नम्बरको मोटरसाइकललाई ठक्कर दिँदा मोटरसाइकल पछाडि सवार बिक गम्भीर घाइते भएकी थिइन् । घाइते बिकको बुटवल स्थित क्रिम्सन हस्पिटलमा उपचारको क्रममा मृत्यु भएको प्रहरी नायव उपरीक्षक रबि रावलले जानकारी गराएका छन् । ट्याक्टर र मोटरसाइकल इलाका प्रहरी कार्यालय पिपराको नियन्त्रणमा राखिएको छ भने थप अनुसन्धान भइरहेको जिल्ला प्रहरी कार्यालय कपिलबस्तुले जनाएको छ ।