त्रिपोली, २५ वैशाख, (रासस÷सिन्ह्वा) ः लिबियाको पूर्वी सहर दार्नामा अतिवादी समूह विरुद्ध भएको झडपमा परी पाँच लिबियाली सैनिकको मृत्यु भएको सैनिक स्रोतले मङ्गलबार जानकारी दिएको छ ।

सोमबार भएको यस झडपको क्रममा अन्य कैयौँ घाइते भएका सैनिक स्रोतले जानकारी दिएको छ ।

हाल झडप जारी नभएको भए पनि सैनिक बलतर्फ ठूलो क्षति भएको स्रोतले जानकारी दिएको छ ।

गत बिहीबार पनि दार्नामा नै अतिवादी समूह र लिबियाली सैनिकबीच भएको झडपको क्रममा कम्तीमा चार सैनिकको मृत्यु हुनुको साथै अन्य छ जना घाइते भएका थिए ।
–––